जिल्ला अध्यक्ष सहित दर्जनौं एमालेमा प्रवेश पृथ्वीसुब्बा गुरुङद्वारा स्वागत
फागुन १५, कावासोती
नेकपा एकीकृत समाजवादी पार्टी नवलपुरका जिल्ला अध्यक्षको टोली नेकपा एमालेमा प्रवेश गर्नुभएको छ । उहाहरुलाई नेकपा एमाले नवलपुर जिल्ला पाटी कार्यालयमा एमाले केन्द्रिय उप महासचिब एवम् गण्डकी प्रदेशका संस्थापक मुख्यमन्त्री पृथ्वीसुव्वा गुरुङले एक कार्यक्रम मार्फत् पार्टीमा स्वागत गर्नु भएको थियो।
नेकपा एमाले जिल्ला कमिटिको आयोजनामा घरफर्क अभियान अन्तर्गत नेकपा एकीकृत समाजवादी पाटी र नेकपा माओवादी सहितका टोलीलाई नेकपा एमाले प्रवेश गराउनु भएको हो ।
नेकपा एकीकृत समाजवादी पाटीका जिल्ला अध्यक्ष एवम् गण्डकी प्रदेश कमिटि सचिवालय सदस्य झविलाल राना, प्रदेश सचिवालय सदस्य दुर्गा भुर्तेल, गण्डकी प्रदेश कमिटि सचिवालय सदस्य खगराज कण्डेल, जिल्ला कमिटि उपाध्यक्ष एवम् युवा संघ इन्चार्ज प्रेम पाण्डे सहित जिल्ला कमिटिी सदस्य, युवा संघ जिल्ला अध्यक्ष, देवचुली नगर कमिटि, हुप्सेकोट गाँउ कमिटि अध्यक्ष सहित सम्पुर्ण कमिटि नै एमालेमा फर्किनु भएको छ ।
त्यस्तै नेकपा माओवादी जिल्ला सदस्य तुलसीराम अर्याल , सहित डनु गिरी, टिकाराम पाण्डे , कावासोती १३ का अध्यक्ष जीवन सापकोटासहित एक दर्जन कार्यकर्ता एमाले प्रवेश गर्नुभएको हो गत हप्ता मात्र नेकपा एकीकृत समाजवादी पाटीका केन्द्रिय सदस्य दोय शालिकराम भट्टराई र डा. गोपाल खनाल पाटी केन्द्रिय कार्यालय पुगी पाटी अध्यक्ष के. पि. शर्मा ओलीको हातबाट टिका ग्रहणगरी एमाले प्रवेश गर्नुभएको थियो ।
कार्यक्रममा बोल्दै प्रमुख अतिथी पृथ्वीसुव्वा गुरुङले विगतमा बाटो विरायर गई अहिले आफ्नै घर फर्कि आएकोमा धन्यवाद व्यक्त गर्दै घर फर्किकाहरुलाई पाटीले उचित जिम्मेवारी प्रदान गर्ने बताउनु भयाे । कार्यक्रममा एमाले पालिटव्युरो सदस्य मना के.सी., केन्द्रिय सदस्य दोय कृष्ण पौडेल र तिलक महत क्षेत्री सहित प्रदेश कमिटि का नेताहरुको उपस्थिती रहेको थियो ।
