दुईदिन सम्म चलेको तीज मेला सम्पन् मन्त्री भन्नुहुन्छ नेपाली कला, संस्कृति विश्वमा नै उत्कृष्ट
भदौ ११, पोखरा
पोखराको महानगरपालिका वडा न. १६ को ऐतिहासिक बाटुलेचौर मैदानमा दुईदिन सम्म सञ्चालन भएको तीज मेला सम्पन्न भएको छ।
तीज मेला व्यवस्थापन समितिले आयोजना गरेको मेलाको समापन गर्दै गण्डकी प्रदेश सरकारका सामाजिक विकास, युवा तथा खेलकुद मन्त्री बिन्दु कुमार थापाले परम्परागत कला, संस्कृतिको संरक्षण गर्ने कार्यमा प्रदेश सरकार अर्थात् म आफैं रहेको मन्त्रालय प्रतिबद्ध रहेको बताउनुभयो । उहाले नेपाली कला, संस्कृति विश्वमा नै उत्कृष्ट रहेको बताउँदै यसको जगेर्ना गर्ने कार्यमा सामाजिक संघ संस्थाहरु को महत्त्वपूर्ण भूमिका रहेको बताउनुभयो।
तीज मेला व्यवस्थापन समितिका संयोजक एवं जनप्रतिनिधि राजकुमारी बानियाँको अध्यक्षतामा भएको समापन कार्यक्रममा मन्त्री थापाले विद्यालय स्तरीय लोक नृत्य प्रतियोगितामा प्रथम भएको सुर्योदय बोडिङ्ग स्कुल, द्वितीय भएको सरस्वती आदर्श विद्याश्रम, तृतीय भएकाे प्रगति स्कुल र सान्त्वना स्थान हासिल गरेको विन्ध्यवासिनी मा .वि. लाई क्रमशः नगद १५ हजार,१० हजार, ५ हजार र २ हजार ५ सय रुपैयाँ सहित प्रमाणपत्र प्रदान गर्नुभएको थियो।
पहिलो दिन भएको महेन्द्र गुफादेखि मैदान सम्म २५ वर्ष माथिको महिला दौड कार्यक्रममा प्रथम हुने विष्णु खनाल, द्वितीय हुने सम्झना गुरुङ, तृतीय हुने सविना बास्तोलालाई नगद पुरस्कार सहित प्रमाणपत्र प्रदान गरिएको थियो ।दौड कार्यक्रम मा ७५ वर्षिया दुर्गा के सी थापाको महत्वपूर्ण उपस्थितिलाई विशेष प्रोत्साहन स्वरुप सम्मान गरिएको थियो।
तिज मेलाको मुख्य आकर्षणको रुपमा रहेको समुहगत तीज गीत प्रस्तुतिमा पोखरा महानगरपालिका वार्ड नं १६ भित्रका विभिन्न १६ वटा आमा समुहले सहभागिता जनाउनुभएको हरेक टिमलाई १० हजार रुपैयाँ सहित सहभागीता को प्रमाणपत्र प्रदान गरिएको थियो भने कार्यक्रम सम्पन्न गर्न सघाउने व्यक्ति तथा संघ संस्थालाई सम्मान गरिएको कार्यक्रमलाइ स्वागत राम बहादुर बानियाँ ले गर्नुभएको थियो भने समितिका सदस्य भीम गायकले भव्य र सब्य रूपले कार्यक्रम सञ्चालन गर्नुभएको थियो।
पोखरा महानगरपालिका वडा न. १६ संरक्षक रहेको सो मेलाको अन्तिम दिन मंगलबार ख्याति प्राप्त लोक दोहोरी गायक कृष्ण सुवेदी, गणेश ढकाल र सन्ध्या बिसी लगायतले आफ्ना चर्चित तीजे भाका प्रस्तुत गर्दै उपस्थित आमा दिदीबहिनीलाई छमछमी नचाउनु भएको थियो ।
