Worldlink Communications

प्रधानमन्त्री ओली चीन भ्रमणमा, राष्ट्रपति सी चिन फिङ सँग आजै भेट हुने

भदौ १४,काठमाडौं

प्रधानमन्त्री केपी शर्मा ओली आज एस सी ओ को शिखर सम्मेलनमा भाग लिन आज चीनको थियानजिन शहरमा पुग्नुभएको छ।

चीनका राष्ट्रपति सी चिन फिङ को मैत्रीपूर्ण निमन्त्रणामा नेपालको नेतृत्व गर्दै प्रधानमन्त्री ओली स्थानीय समय अनुसार दिउँसो ३:१५ बजे हिमालय एयरलाइन्सनको विशेष विमानमार्फत थियान जिन विनहाइ अन्तर्राष्ट्रिय विमानस्थलमा पुग्नुभएको थियो।नेपालका लागि चीनका राजदूत डा कृष्णप्रसाद ओली, नेपालका लागि चीनका राजदूत चेन सोङलगायतले स्वागत गर्नुभयको थियो । प्रधानमन्त्री ओली ले शिखर सम्मेलनमा केही विश्व नेताहरूसँग समेत भेटवार्ता गर्नुहुनेछ भने सेप्टेम्बर २ मा बेइजिङमा चीनका उपराष्ट्रपति हान झेङसँग भेटवार्ता गर्नुहुनेछ।

शिखर सम्मेलनका क्रममा विभिन्न मित्रराष्ट्रहरूका राष्ट्र तथा सरकार प्रमुखहरूसँग प्रधानमन्त्री ओलीले द्विपक्षीय भेटवार्ता गर्ने कार्यतालिका रहेको छ भने ति भेटघाटमा दुइ मुलुक बीचका द्विपक्षीय एवं अन्य विषयमा पनि छलफल हुने बताइएको छ ।

प्रधानमन्त्री ओलीसँग उनका धर्मपत्नी श्रीमती राधिका शाक्य, शिक्षा, विज्ञान तथा प्रविधिमन्त्री रघुजी पन्त, संस्कृति, पर्यटन तथा नागरिक उड्डयनमन्त्री बद्रीप्रसाद पाण्डे, नेपाली कांग्रेसका सांसद पूर्णबहादुर खड्का, प्रधानमन्त्रीका आर्थिक तथा विकास सल्लाहकार डा युवराज खतिवडा, नेकपा एमालेका सांसद छविलाल विश्वकर्मा र उच्चस्तरीय सरकारी अधिकारीहरू रहने मन्त्रालयले जनाएको छ ।

प्रतिक्रिया दिनुहोस्: