विद्यार्थी ल्याउन नेपाल एयरलाइन्सको जहाज आज इजरायल जाने
असोज २४,काठमाडौँ
नेपाल सरकारले द्वन्द्वग्रस्त इजरायल बाट नेपाली विद्यार्थीको उद्धारका लागि बुधबार विमान पठाउने भएको छ ।
शनिबार हमासको आक्रमणमा परेका इजरायलमा रहेका नेपाली विद्यार्थीको उद्धारका लागि आजै बुधबार राति ११ बजे नेपाल वायुसेवा निगमको जहाज त्यसतर्फ जान लागेको छ ।
त्रिभुवन अन्तर्राष्ट्रिय विमानस्थलबाट नेपाल एयरलाइन्सको जहाज आजै बुधबार राति ११ बजे दुबईलाई ट्रान्जिट बनाएर इजरायल जाने भएको हो ।
आज बिहान प्रधानमन्त्री पुष्पकमल दाहाल प्रचण्डले पर्यटनमन्त्री सुदन किराँतीसहित नागरिक उड्यन प्राधिकरण र नेपाल वायुसेवा निगमका प्रमुखलाई बोलाएर नेपालीको उद्धारका लागि जहाज तत्काल इजरायल पठाउने व्यवस्था गर्न निर्देशन दिनु भएको थियो ।
