चैत्र २८, तनहुँ
तनहुँको शुक्लागण्डकी नगरपालिका–५ गाछेपानीमा आज दिउँसो भएको सवारी दुर्घटनामा दुई जनाको ज्यान गएको छ।
पोखराबाट काठमाडौं जाँदै गरेको बा ११ च ७३६५ नम्बरको टोयोटा गाडीले डिभाइडर नाघेर विपरीत दिशाबाट आइरहेको ग १९ प २९८८ नम्बरको स्कुटरलाई ठक्कर दिँदा स्कुटरमा सवार दुई जनाको मृत्यु भएको जिल्ला प्रहरी कार्यालय तनहुँले जनाएको छ। मृतकहरूको सनाखत हुन बाँकी रहेको छ
जिल्ला प्रहरी कार्यालय तनहुँका प्रहरी निरीक्षक अमृत लामिछानेका अनुसार दुर्घटनामा घाइते भएका दुवै जनाको उपचारका क्रममा मृत्यु भएको हो। एक जनाको पोखरास्थित गण्डकी मेडिकल कलेज र अर्का एक जनाको तनहुँ सेवा अस्पताल, दुलेगौंडामा उपचारका क्रममा ज्यान गएको र मृतकहरूको सनाखत हुन बाँकी रहेको जानकारी दिनुभयो।
ठक्कर दिने गाडीका चालकलाई प्रहरीले नियन्त्रणमा लिएको छ भने घटनाबारे थप अनुसन्धान भइरहेको प्रहरीले जनाएको छ।
प्रतिक्रिया