जेठ २८ ,पोखरा
बेगनास भोर्लेटार सडक खण्डमा चलाइरहेको गाडी अचानक दुर्घटना हुँदा बैंकर रेशमबहादुर थापाको आजै बिहीबार साँझ सवारी दुर्घटना मा परी दुःखद निधन भएको छ ।
पोखरा महानगरपालिका ३१ स्थित बेगनास भोर्लेटार सडक खण्डको पचभैयामा उनले चलाएको कार अनियन्त्रित भई दुर्घटना हुँदा थापाको मृत्यू भएको जिल्ला प्रहरी कार्यालय कास्कीले जानकारी दिएको छ ।
रेशमबहादुर थापा आफैंले चलाएको बा १३ च ४२०९ नम्बरको कार अचानक अनियन्त्रित भई सडकबाट करिब ५० मिटर तल खसेको कास्की प्रहरीका प्रवक्ता समेत रहेका डिएसपी वीरेन्द्रकुमार पासवन ले जानकारी दिनुभयो ।
स्थानीयहरूले थाहा पाएपछि थापालाई तत्काल उद्दार गरी उपचार का लागि प्रादेशिक जनरल तथा सरुवा रोग अस्पताल मोहरियामा पुर्याएपछि चिकित्सकले तत्कालै उहाँलाई मृत घोषणा गरेका थिए ।
उहाँ फेवा फाइनान्सका तत्कालिन कार्यकारी अधिकृतका हुनुहुन्थ्यो भने केही वर्ष अघि उहाकै छोराको मोटरसाइकल दुर्घटनामा परी निधन भएको थियो । पोखरा ३१ को स्थायी बासिन्दा पछिल्लो पटकको समय पोखरा गैह्रापाटनमा बस्दै आउनुभएको स्थानीयहरू ले जानकारी दिनुभयो। ।
प्रतिक्रिया